أخبار وطنية ألفة يوسف: لوعاد الوضع لما كان عليه لاخترت مجددا التصويت للنداء والسبسي لكن...
نشرت المفكرة ألفة يوسف التحديثة التالية على صفحتها الخاصة:
"بالله الجماعة اللي كسروا لنا راسنا بالشماتة في "الفوت أوتيل" يلزمهم يعرفو اللي لو كان يرجع الوضع للي كان وقتها، انا شخصيا نعاود نختار النداء والسبسي، وهذا لا ينفي اني اليوم من اكبر المنتقدين ليهم...وانهم خيبوا ظن عشرات الالاف من التوانسة.
بين المرزوقي وحراك المهبلة، والنهضة متاع الاخوان، وحمة متاع "نم يا حبيبي" و18 اكتوبر اللي رجعت الخوانجية و" القصبات" بانواعها، ما كانش ثم خيار وقتها...
ما يكفيش انه الجماعة ما يعرفوش انه "لكل مقام مقال" وأنك تنجم تعرس وتطلق، وتخدم في بقعة وتستقيل، وتعرف عبد تحبه ومن بعد تبعد عليه، وتحيا وبعد تموت...ما يكفيش هذا الكل حتى تلقاهم في عوض يفكرو في حلول للمستقبل مشكلتهم ذواتهم المريضة...
ومع ذلك، ثم بعض التوانسة اللي عندهم عقل يخدموه...وبديت نرى في بعض التحركات الإيجابية بين المجتمع المدني وبعض السياسيين الأذكياء...إلا أني ما زلت اعتقد ان الحل سيكون مفاجئا..."
